Ad Banner
Ad Banner
Ad Banner
Ad Banner

Kina mohon shitjen ilegale të naftës në Korenë Veriore

21:12 | 29 Dhjetor 2017
Trina Galanxhi

Kina ka mohuar se është duke e furnizuar me naftë Korenë Veriore.

Megjithatë, një anije me flamurin e Hong Kong-ut është parë duke kryer veprimin ilegal dhe duke rënë në kundërshtim me sanksionet ndërkombëtare të vendosura në OKB, shkruan “Euronews”, transmeton portali arbresh.info

Zyrtarët thanë se anija ka bërë transferime të naftës për në Korenë Veriore përmes ujrave ndërkombëtare.

Mohimi i Kinës vjen pasi Presidenti amerikan, Donald Trump pretendoi se Kina ishte “kapur” duke shitur naftë në Veri, duke thënë se kjo do të parandalonte “një zgjidhje miqësore” ndaj krizës bërthamore dhe raketore të Phenianit.

Megjithatë, Pekini ka këmbëngulur se nuk ka bërë asnjë gabim.

“Ne kurrë nuk do të lejojmë qytetarët dhe kompanitë kineze të angazhohen në aktivitete që shkelin rezolutat e Këshillit të Sigurimit”, tha para gazetarëve zëdhënsja e   Ministrisë së Jashtme kineze, Hua Chunying./arbresh.info/

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm